Komunikatë

Sqarim mbi publikimin e të dhënave të inspektorëve në detyrë

Zyra e Inspektorit të Përgjithshëm (ZIP) njofton opinionin publik se publikimi i listës së inspektorëve në detyrë, përfshirë emrin, mbiemrin, pozitën, postën elektronike zyrtare dhe qytetin, është në përputhje të plotë me legjislacionin në fuqi.

Ky publikim bazohet në:

• Nenin 12, paragrafi 1, nënparagrafi 1.10 të Ligjit Nr. 08/L-067 për Inspektimet, që përcakton se ZIP mirëmban dhe publikon regjistrin e inspektorëve.
• Nenin 5, paragrafi 1, nënparagrafi 1.3 të Ligjit Nr. 06/L-082 për Mbrojtjen e të Dhënave Personale, ku përpunimi i të dhënave është i ligjshëm nëse bëhet për përmbushjen e një obligimi ligjor të kontrolluesit.

Të dhënat që publikohen lidhen me ushtrimin e funksioneve publike dhe janë të qasshme në përputhje me nenin 17 të Ligjit për Qasjen në Dokumente Publike (06/L-081).

ZIP mbetet e përkushtuar për transparencë dhe përputhje me parimet e ligjshmërisë dhe mbrojtjes së të dhënave personale.

Zyra e Inspektorit të Përgjithshëm

Datë: 31/10/2025

---